Ao longo de dez capítulos titulados, a obra mergúllanos nunha aventura intergaláctica. Bla-Burr, blablix do planeta Bla-Box, viaxeiro da nave Blabística Neo Blox, perde o seu casco conversor de ilusións mecánicas, indo este a parar a mans de Xavier. Nunha noite de calor abafante o rapaz viu como, de súpeto, o ventilador xigante que estaba a imaxinar na súa mente materializábase transportándoo a un terrible pesadelo, pero tamén a unha inesperada aventura. Xavier converterase, xunto co seu novo amigo alieníxena Bla-Burr, nun heroe capaz de salvar a nave Blablística Neo Box e loitar contra os bromolblos, piratas do planeta Bla-Box.