Tal e como fixeran en anos anteriores, seis mozos reúnense na noite de San Xoán para contaren contos. A xuntanza deste ano está presidida por unha forte treboada, o que rodea a noite dunha atmosfera de misterio e medo. Ao redor dunha mesa e á luz das velas un dado vai determinando as quendas nas cales cada rapaz conta cadansúa historia. Dan paso, así, a tres relatos breves nos que unha serie de símbolos fan que aparezan motivos comúns como o paso do tempo, a beleza, a morte, a identidade, así como a maxia e a natureza da literatura.
Os personaxes vense sorprendidos continuamente por situacións e elementos fantásticos ata concluíren nun final impactante.

A nosa literatura infantil e xuvenil 1997
Gálix (Asociación Galega do Libro Infantil e Xuvenil).
Coordinación: Mª Isabel Soto López.
Xunta de Galicia - Consellería de Cultura - Dirección Xeral de Cultura. Guías culturais, 17. 1998