Dúas bandas (a dos Critos e a dos Chucareiros) e unha nena, Saleta, que ha de adaptarse á nova situación provocada pola voda da súa nai cun separado que trae as súas fillas xemelgas a vivir con eles; estes elementos son o centro da novela.
As aventuras discorren unhas detrás das outras. Os conxurados utilizan a fórmula viquinga para xuramentarse "Co sangue, no sangue e polo sangue" e, unha vez convertidos en irmáns, farán fronte ó envelenamento da Polilla (a profesora odiada), á caza da sauros, ó reparto de cachorros; odiarán todos a unha ás repetidas/postizas/cuspidas irmanastras de Saleta por repelentes estudiosas/ordenadas/obedientes señoritas, e decidiranse a ser abixeos".
Todo isto sucede en Fiúncho de Quintín, o lugar onde tamén vive don Camilo cos seus dous criados Lenz o Branco e Lenz o Negro, e onde podes atopar que unha cadela sexa tía bisavoa de calquera. Porque nada é o que parece...