Reelaboración de contos de transmisión oral. Ao final de cada relato, no apartado "Notas", ofrécense datos sobre as versións existentes e a catalogación de cada unha, segundo as diferentes clasificacións teóricas existentes.
Recóllense "Conto da moza e o lagarto", no que unha rapaza consegue desfacer o encantamento dun lagarto, un príncipe co que casa; en "O criado do cego", este personaxe consegue casar coa filla do rei axudado polas bendicións de tres monxas; e en " A árbore das tres laranxas", un príncipe logra descubrir quen son as tres Marías do amor.