Reelaboración de contos de transmisión oral. Ao final de cada relato, no apartado "Notas", ofrécense datos sobre as versións existentes e a catalogación de cada unha, segundo as diferentes clasificacións teóricas existentes.
Inclúense "O Cabalo Buligán", no que a princesa Iria gracias aos poderes máxicos do cabalo, foxe do seu cruel marido e convértese nunha humilde ermitá xunto a un home bo e cariñoso; en "O mozo que non sabía como era o medo", un mozo viaxa na procura desa sensación descoñecida; tras moitas aventuras, a neta do escribán faille pasar medo ao esparexerlle anguías nos calzóns; en "O demo na mochila", Xan Soldado intenta enriquecerse resucitando mortos como fan Xesús Cristo e San Pedro, dous pobres cos que viaxa, pero, a pesar do seu comportamento, acaba no ceo.