Publicación que reúne os textos gañadores das edicións dos anos 2003 e 2004 do certame literario que convoca cada ano a Concellería de Educación do Concello de Lugo. Logo dun Saúdo do alcalde, recóllense as narracións gañadoras diferenciadas por anos e bandas de idade. Así:
Os relatos gañadores do 2003 na categoría de 12 a 14 anos son da autoría de Nerea Pallares Villar, Noelia Martínez Rey e Noemí Basanta Llanes, que se fixeron acredores do primeiro, segundo e terceiro premio, respectivamente. Mentres que na banda de idade de 15 a 18 anos foron Nereo Couso Fernández, María Castiñeira Busto e David Canto Veiga.
Os relatos gañadores do 2004 na categoría de 12 a 14 anos son da autoría de Noelia Martínez Rey, Samuel Couso Cano e Abraham Díaz López, que se fixeron acredores do primeiro, segundo e terceiro premio, respectivamente. Mentres que na banda de idade de 15 a 18 anos foron Diana Mandiá Álvarez, Eva Vilar Coira e Adriana Pardo Basanta.