Escolma para o lectorado infantil da obra do autor clásico da literatura galega, que se abre cunha introducción biográfica a cargo do editor, Antonio G.ª Teijeiro, ilustrada con material fotográfico. Incorpóranse así mesmo unha Bibliografía básica e unha Cronoloxía do poeta.
Inclúese a seguir unha significativa escolma de textos que recolle sesenta e nove poemas de todas as épocas do escritor celanovés, desde "Cartafol de poesía" ata "O libro das homenaxes". "O soño sulagado", "Longa noite de pedra" e mais "Onde o mundo se chama Celanova", con once, catorce e trece poemas, respectivamente, son os libros máis representados.
O afán divulgativo do libro complétase con ilustracións que pretenden facilitar o achegamento dos lectores novos.