Novela de aventuras na que se mesturan a realidade co mundo fantástico e mesmo de carácter mítico.
As ansias de atopar respostas levan a Tristán, un mozo de dezaoito anos, a iniciar unha viaxe polo mundo unha vez rematados os seus estudios. Entre os personaxes cos que compartirá aventuras está o Castrón de Ouro, un animal mítico que, igual que pretende o protagonista, loitou pola liberdade e vive gozando dela.
Os dezasete capítulos da obra propoñen unha vía de escape da realidade cotiá por medio da imaxinación e da fantasía; ó mesmo tempo, estas páxinas contribúen a establecer diferencias entre o mundo actual e un pasado caracterizado pola paz, a harmonía, a igualdade e o respecto pola natureza.