Escolma para o lectorado infantil da obra deste autor clásico da literatura galega, que se abre cunha introducción do editor sobre a súa vida e obra, ilustrada con material fotográfico. Incorpórase tamén unha "Síntese cronolóxica".
A recompilación de textos estructúrase en cinco apartados. No de "Narrativa" inclúese un fragmento de "Un ollo de vidro", cinco "Cousas", un conto de "Retrincos" e un capítulo da novela "Os dous de sempre". O Lance 2º de "Os vellos non deben de namorarse" serve para presentar o seu "Teatro". No apartado de "Ensaio e investigación" figuran anacos da reflexión sobre "O galeguismo na arte" así como dos libros "Sempre en Galiza" e "As cruces de pedra na Bretaña"; no de "Oratoria", o discurso "Alba de Groria". Pecha o libro unha selección de ilustracións, incluíndo debuxos de guerra, na sección de "Plástica".