Antón Cortizas Amado: O caso das chaves desaparecidas
Ilustracións de Xan López Domínguez
Col. Ala Delta, 28. Serie Marrón. Ed. Edelvives. Zaragoza, 1993

Algo estraño sucede na vila de Pechobriga, algo que realmente está afectando á súa propia condición de cidade pechada. O caso é que, de maneira misteriosa, empezan a desaparecer todas as chaves sen que ninguén saiba como sucede tal cousa. É este un caso difícil, ideal para o intrépido detective Xelo Peteiro, quen, ademais de resolver satisfactoriamente o enigma, vai poder coñecer os peculiares costumes dos habitantes desta singular vila e contribuír a que algunhas antigas tradicións, que converten a cidade nunha das máis pechadas do mundo, se vaian substituíndo por prácticas máis abertas e comunicativas.