Ofrecésenos unha selección de cincuenta "Cantigas de Santa María" dirixidas a un público amplo e non especializado. O libro estructúrase baixo a simboloxía numérica propia da época medival e da literatura mariana de Alfonso X.
As cantigas aparecen nunha versión libre na que Bernardino Graña reduce os longos versos do rei Sabio, suprime refráns, elimina determinadas estrofas e engade outras novas.
Preséntase cada cantiga acompañada dunha serie de notas complementarias, un comentario explicativo e bibliografía adicional. As composicións aparecen agrupadas en tres bloques: o primeiro formado por trinta e sete cantigas narrativas ou de milagres; o segundo por dez cantigas de loor e o último por tres cantigas de festas.