Esta novela é a segunda dunha triloxía que se iniciou con "A princesa Lúa e o enigma de Kián", que acadara o Premio "Merlín" en 1987. Na primeira parte do libro cóntase a historia de Ferreol, bardo e xefe da tribo dos baluros, e da súa dona, a dama Rovena. A segunda parte céntrase en Brandón, o fillo de Ferreol e Rovena. Roubado cando só tiña dous anos polas fadas que moran no fondo da lagoa de Antela, vivirá cunha delas durante a infancia e a adolescencia, preparándose para o momento en que se cumpra a profecía e sexa liberado pola princesa Lúa.