A través da lectura dos vinteún episodios que conforman esta obra narrativa, poderá o lector aproximarse á ardua e, ó mesmo tempo, solidaria vida de moitos dos animais que viven en liberdade.
Pelusa é unha cadela que, sen coñecer a razón, foi abandonada polos seus amos nunha estrada. Mais, pouco a pouco e gracias á súa afouteza e xenerosidade, gañará a amizade da londra Luva, duns cans desamparados, dos paxariños da ramalleira, da gata felina e das súas crías, animais cos que, día a día, vivirá unha serie de acontecementos felices e arriscados sempre provocados polos humanos, a quen lles salvará a vida en certas ocasións e quen tamén saberán agradecelo.