 |
Cinco contos
escritos no 1995 son a homenaxe do autor ó cine no centenario do seu
nacemento. Dese xeito quere pagar a débeda que ten coa "fábrica
de soños".
Cada un destes relatos nace dun "anuncio por palabras"
igual que aqueloutros que aparecen en Contos por palabras.
Amor
dos quince anos, Marilyn é un verso de Antonio Martínez
Sarrión que dá lugar ó título de conto e libro.
Cada vez que un cine se pecha, a máquina de proxección ponse en
marcha, o feixe de luz asolaga a pantalla, por ela van pasando anacos das
mellores películas empatadas, e deles van saíndo as estrelas de
tódolos tempos, que se sentan nas butacas para celebrar asemblea. Un
escritor nostálxico ha de enfrontarse á invitación de
Marilyn.
Un problema de ósos é o que ten
Drácula cando vén á Coruña despois de ler a
Guía de Galicia de Otero Pedrayo. A artrose é unha
enfermidade nova para o vampiro, pouco acostumado a estas humidades, e farao
fuxir á Transilvania.
Malos tempos para pantasmas diranos un
primoxénito do señorío de Bergondo mentres nos conta a
maldición que pesa sobre a súa familia. Un templo para
gatos e Un soño que adelgaza son tamén
narracións en primeira persoa nas que o autor lles dá vida no
papel ás historias que andan agachadas nos xornais. |
