Antón ten unha perna ortopédica. Cando os amigos xogan ao futbol na praza vermella el fai de porteiro. Pero por non abusar da súa eiva física, todos fallan aínda as ocasións claras de gol. Teñen que buscar unha alternativa para que el estea entretido mentres eles lle dan á pelota de goma.
Cando abre "o Mundo da Informática" aparece a solución: nun chat coñece a unha rapaza mexicana, filla de diplomáticos e por iso sen amigos en ningunha parte, que cumpre doce anos o mesmo día ca el. Comeza entón unha franca amizade que algún día ha servir para que se coñezan persoalmente.