Era tarde, moi tarde, o día en que Edgar, un rapaz de catorce anos, emprendeu unha incrible aventura en compañía da súa irmá Dámaris e mais dos seus amigos Otto, Crispín e Samuel.
Todo comezou unha noite, cando Edgar se decatou de que había unha luz que se acendía e apagaba no cumio da torre do reloxio. Era como se alí enriba houbese alguén cunha vela acesa. Non lle concedeu máis importancia pero, semanas máis tarde, a descuberta dunha entrada secreta no soto da súa casa que comunica directamente coa torre, permitiralle adentrarse nos segredos nocturnos desta. Intriga, acción e misterio son os principais ingredientes desta novela que, tras aparecer publicada por primeira vez na colección "Nova 33", sae agora en "Árbore" de Galaxia.