Nacín o 22 de febreiro de 1956 en Ferrol. Alí estudiei o bacharelato e COU ó tempo que aprendía debuxo e cor co pintor local Juan Galdo, o meu único mestre. En Santiago de Compostela fixen a carreira de Pedagoxía ó tempo que seguía debuxando e pintando, aínda que agora xa pola miña conta... e así sigo ata hoxe. O meu traballo é de vendedor/promotor na Editorial Santillana. Ó longo destes anos gañei algúns premios de debuxo, aínda que xa non me acordo das datas. Lembro especialmente un Primeiro Premio de Debuxo no Chan na miña cidade natal de Ferrol cando eu contaba con, aproximadamente, 14 anos.