 |
||
 |
 |
Nenos. En principio, non
fan diferencias. Ven que hai outros distintos pero para todos o xogo é
igual e a natureza se comporta igualmente: chove de riba para baixo, a auga
é fría e molla as peles sen reparar en cores nin tons. Os distingos veñen cando á cor da pel e ás liñas da cara se unen condicións alleas ao natural. O neno dunha caste olla ao doutra con ollos diferenciadores se entre eles hai distancia de situación na sociedade. Todos somos xente e mais toda a Terra é dos homes. Pero as xenreiras nacen e dan pé ás liortas entre grupos de persoas de aspecto diferente que, por iso, entran en colisión. As colisións só se evitan coa igualdade de opcións ao bo da vida para todos en todas as partes da Terra. E para chegarmos a esa igualdade cómpre a solidariedade. Que deben transmitir os nenos Xavier Alcalá |
 |
|
Chámome Xaquín Marín Formoso. Nacín hai 50 anos en Ferrol. Eran anos de fame e algo había que facer ó non haber TV, así que comecei a debuxar con pizarra e cuspe, ata os nosos días nos que variei un chisco de técnica, pero tampouco vaiadades pensar. Levo feitas máis de 200 mostras, quizais 300. Por toda Galicia, España, Cuba, Puerto Rico, Bélxica, Canadá, Ucrania, Francia, Bulgaria, Turquía, etc. etc. Ilustrei libros de Neira Vilas, Ramón de Valenzuela, Ben Cho Sey, Manuel María, Pere Calders... tamén traballei na serie Canles e na serie Lingua. Traballei ou traballo en publicacións de todo o estado e algunhas do estranxeiro, citarei: La Codorniz, Hermano Lobo, Diario 16, Le Telegramme, Teima, A Nosa Terra, El Ideal Gallego, La Voz de Galicia... Teño moreas de premios, dos que saliento o 1º da Bienal de Bávrobo e dúas Paletas Agromán. Con isto e máis de 20 anos de traballo, cheguei a ser un ilustrador ó que ninguén dá traballo. |
