|
|
 |
| :: |
AGUSTÍN
FERNÁNDEZ PAZ
«Contos por
palabras», dez relatos que parten de anuncios nos xornais
O volume, Premio Nacional de Literatura,
recolle dez contos que parten de anuncios nos xornais
No inicio dos «Contos por palabras» o autor
fai unha confesión: «Ler cada día os xornais foi sempre unha
necesidade imprescindible para min. Todas as mañás me mergullaba con
paixón naquelas páxinas impresas». Este é o espírito desta obra de
Agustín Fernández Paz.
|
| |
   |
| |
Agustín Fernández
Paz mestura nesta obra unha chea de matices como se os personaxes e
as súas circunstancias fosen tecidos de diversas materias, case
sempre veludo ou seda, que forman un deseño harmonioso sen cores
rechamantes. Dez contos onde partindo dun anuncio por palabras
conducésenos ata fascinantes historias. Vellos mitos adaptaranse
nelas ós tempos que vivimos, dende o bruxo tradicional que para
acadar o éxito na súa profesión realiza un Máster de Dirección de
Empresas, ou a reciclaxe dun heroe do cómic en empregado-estrela,
ata o distinguido home-lobo que en só tres lúas namorará á rapaza
axeitada.
Humor e moito afán de superación abrollan en todos
os seres que buligan polas páxinas deste libro e os sentimentos
converten ante os nosos ollos ás criaturas fantásticas en humanos. A
determinación coa que o unicornio azul procura alguén da súa raza
que o libre da soidade será compartida tamén pola libreira soñadora
que procura unha obra de arte fuxidía. E por tantos outros.
Fernández Paz dálle forma ós acontecementos cunha extraordinaria
capacidade de fabulación que lle recoñecen, trala traducción a
varios idiomas, lectores e críticos de todo o mundo. A partir das
mensaxes breves e esquivas dos anuncios por palabras dos xornais, os
seus lectores nos mergullamos con paixón nas páxinas impresas de
Contos por palabras coa certeza de que onde realmente nos
mergullamos é nun universo engaiolante. LAURA CAVEIRO ,
gañadora do premio Rubia Barcia de Ferrol
LAURA
CAVEIRO, gañadora do premio Rubia Barcia de Ferrol
|
| |
|
| :: |
REFLEXOS
DA VIDA
|
| |
Escoiteille dicir a
Agustín que ¿dun xornal, coma do porco, aprovéitase todo, se se
quere aproveitar¿. E a boa fe que así o fixo en Contos por
palabras . Dunha demorada recolleita de anuncios por palabras
aparecidos na prensa, Agustín foi quen de agasallarnos con este
marabilloso libro, un clásico xa na literatura galega, e digo
literatura, sen máis cualificativos, porque estas historias son
capaces de engaiolar a lectores de tódalas idades. En Contos por
palabras atopamos dez relatos cheos de tenrura, de esperanza, de
misterio, de crítica, de humor finísimo, onde a realidade e a
fantasía se mesturan dunha maneira natural, o que nos leva a vivir
unha dimensión descoñecida do mundo que cremos real. Pero o máis
salientable é o poder de suxestión, a posibilidade que lle deixa ao
lector de ser creador, continuador das diversas e sorprendentes
historias que conforman o libro: o home que busca a chave da
felicidade, o Drácula vendedor de ataúdes, o Spíderman
limpa-vidros... Este libro é unha mostra da calidade da creación
literaria galega. Síntase libre, lector de máis idade, e súmese a
ese lema que afirma «a literatura infantil é a que tamén poden ler
os máis pequenos». Con seguridade gozará.
CELIA
TORRES BOUZAS, responsable de prensa de Xerais
|
| |
|
|
|
` |
Presentación
Non deixe pasar a
oportunidade.
