No limiar, asinado por Andaina, explícase que este relato de temática ecolóxica xorde coa intención de salientar o problema da contaminación do mar.
Neste conto fantástico nárrase a viaxe de Purpurina, unha pinga de auga, dende a súa nube ata o mar. No camiño, diferentes elementos da natureza fan que percorra sen decatarse o ciclo da auga. Ademais, visita unha praia, unha charca e un río, coñece a súa fauna e flora e outras pingas coma ela. Ao final Neptuno, rei do mar, axúdaa a regresar despois de explicarlle as consecuencias da contaminación.