Todos os días ás tres Ana abre a fiestra do seu cuarto para ver cómo o tren pasa veloz por diante da súa casa camiño da cidade e o mar que hai máis alá das montañas. Seus pais prometéronlle que viaxarían un día no tren, pero ese día non chega e ela segue agardando na súa pequena aldea sen estación.
Unha tarde parou un misterioso tren, lento e pequeno, con locomotora e seis vagóns. O revisor convidouna a subir. Como acertou unha adiviña, deulle unha fermosa caixiña azul. Tiña que facerse con sete. Conseguiu outras cinco atinando a solución das adiviñas e percorrendo os vagóns, cada un ben diferente pola súa categoría e a dos viaxeiros, mentres circula por territorios dos cinco continentes: Europa, Asia, América Latina, Canadá e África. Finalmente, na locomotora, o maquinista deulle a sétima caixa cando estaba rematando a viaxe.
De volta na casa, soubo a solución da derradeira adiviña: o libro. Entón abríronse cunha luz intensa as sete caixas e delas saíron anacos que compuxeron o "Libro das infinitas historias", onde se gardan as historias fermosas que homes e mulleres foron creando en calquera país do mundo "para axudarnos a soñar e vivir".

53 p. - 19x14 cm.                                                          ISBN    84-8302-691-0