Raquel está na cama e non dá durmido. Mira para a fiestra e ve nela un monstro grande que quere levala; asustada, esperta á súa irmá Tina, que acende a luz e lle aclara que son as sombras da maceira do xardín. Logo olla un fantasma que acode voando, e resultan ser as cortinas abaneadas polo vento. Oe despois un esqueleto agochado no armario, pero tan só é a porta, que renxe mal pechada. Descobre os ollos duns vampiros no alto, mais son os dos bonecos do estante.
Cansa de que a esperte, Tina colle o boneco preferido de Raquel e dállo. Abrazada ao seu osiño, agora si que dorme Raquel.
Colección para primeiros lectores con ilustracións a cores e a toda páxina na que o texto se reproduce en letra manuscrita e mais en maiúscula.

24 p. - 19x17 cm.                                                            84-9782-156-4