Trátase dun libro formado por cinco relatos de diferente temática e extensión, pero cun fío común que lles dá unidade: todos teñen a unha rapaza como protagonista. Nun deles, Visitante das estrelas, unha extraterrestre chega á Terra e vese mergullada en diversos conflictos.
Noutro, Dúas rosas murchas, unha rapaza mantén unha estremecedora relación cunha pantasma. A protagonista de Unha pedra na area vive o seu primeiro amor influída pola presencia dunha estraña pedra...
Os relatos, desde a súa variedade de argumentos e enfoques, tratan de achegar ó lector ós problemas e vivencias desa idade fronteiriza en que comeza a adolescencia.

136 p. - 19x14 cm.                                                          ISBN    84-7507-764-1

Col. Fóra de xogo, 50. Edicións Xerais. Vigo, 2003

163 p. - 21x13 cm.             ISBN    84-8302-962-6


Edición sen ilustracións que incorpora o relato Querida Avoa, publicado nunha primeira versión no libro colectivo Construír a paz: cultura para a paz:
Como todos os Nadais, vén a avoa, Mamá Sara, pasar uns días onda Marta, á cidade. A rapaza vai con ela ao mercadiño da Praza Real para comprarlles un cinto aos vendedores africanos, cos que lle gusta falar. De volta na casa, a avoa comenta escandalizada as confianzas que a rapaza ten con eses estranxeiros tan perigosos e intrusos no noso país. Marta sorpréndese desta reacción da anciá, que só entende cando a mai lle explica que é consecuencia da educación que sufriu, pois nos seus tempos mesmo se falaba nos libros de catro razas da humanidade e pedíanse cartos para os "negritos".