Unha Merla, que acaba de vivir a primeira saída dos seus catro fillos do niño en compañía do pai para descubrir a Horta, rememora a Roda da Vida. Cóntanos as súas primeiras experiencias á busca de comida, o encontro cos Humanos e o seu mundo, o coñecemento da morte a mans do Gabián e a súa historia de amor.
Aprende co tempo a non crer no Merlo Branco cando acompaña e alegra a unha Nena Negra na súa soidade. Sabe entón que todos os merlos son iguais pero cada un é diferente. E arela ser unha Merla Vella que lles conte os segredos da Roda da Vida aos pequenos.
A fermosa historia e a perfecta simbiose texto-ilustración converten o libro nunha lectura moi recomendable.

84 p. - 19x12 cm.                                                          ISBN    84-403-0408-0