Aquel verán, o lume arrasou o piñeiral pero non puido coas vellas árbores da fraga do Castro. Diana, unha nena que fixera da fraga o seu territorio amigo, descubriu entón nela un ser diminuto e moribundo. Era Goewín, unha fada verde das que coidan os bosques, a quen lle morrera a familia intentando extinguir o lume e tamén lle ardera o seu palacio de cristal.
Gracias á axuda de Diana, que lle procura auga, a fada vai recuperando as ás e a vida. Durante uns días a rapaza ten o privilexio de vela -pois tórnanse invisibles cando ven algún ser humano- e cóntanse cousas do seu mundo, ata que, cando veñen máis fadas habitar o bosque, teñen que se deixar de ver. Pero Diana sabe que seguen coidando das árbores.

80 p. - 19x12 cm.                                                             ISBN    84-348-6569-6