No xornal tamén aparecen informacións sobre a "xente corrente", na sección dos anuncios por palabras. Deles sae o motivo para estes oito contos. A "realidade" vulgar do periódico abre a porta da imaxinación literaria.
Os textos abanan entre o elemento marabilloso -como no caso do dono dunha axencia de contactos empeñado, por orgullo profesional, en atoparlle parella a un unicornio azul- e o realismo -unha mai está obsesionada por converter a súa filla en nena-anuncio-, polo que non sorprende que nunha funeraria contraten a Drácula e nunha empresa de limpeza traballe eficazmente Spiderman. Deste xeito, a posibilidade de duplicar chaves sen o orixinal permite conseguir unha copia da chave da felicidade, a empregada dun salón de beleza ten que arregrarlle as mans a un nobre inglés nas noites de lúa chea, pois é un home-lobo, ou un rotulista axeita os ridículos nomes para negocios que lle encargan.
O último relato parte dun anuncio de que se compran libros antigos. Gracias a el, o protagonista consegue facerse co "Libro das infinitas historias", no que o lector altera a narración ao seu gusto.
O libro péchase coa sección "Cando o autor fala de si", habitual na colección.

112 p. - 19x14 cm.                                                          ISBN    84-7507-557-6

Col. Merlín. Eds. Xerais. Vigo, 2001
128 p. - 19x14 cm.      ISBN  84-8302-634-1

8ª edición sen a sección "Cando o autor fala de si", con novas ilustracións de Enjamio e dous relatos máis:
Un doce emprego, sobre a demanda no periódico dun axudante para bombonería de luxo, que un parado despreza por sospeitar que pode agachar un intento de aproveitarse do seu inglés do bacharelato.
Un máxico negocio, no que un bruxo de moda, universitario e moderno, que fai os conxuros cun programa de ordenador, converte o fillo en ra verde cando este lle desintegra unha súa entrevista no xornal.

Col. Biblioteca galega 120, 78
La Voz de Galicia / Eds. Xerais. A Coruña / Vigo, 2002
117 p. - 22x13 cm    ISBN  84-88254-97-0 / 84-8302-757-7

Reedición da versión de 2001sen ilustracións, na colección do xornal La Voz de Galicia.