A mediados do século XXI a doutora Sara Mettmann, integrante do G-12, o grupo que rexe os destinos de Europa, viaxa a Galicia co seu fillo David. Mentres ela viaxa ao pasado ollando os petroglifos, David aventúrase no seu aeromóbil e intérnase nunha fraga tentado pola oportunidade de experimentar practicamente o seu xogo preferido de realidade virtual.
Coñece así un grupo da resistencia ás Leis de Unificación cultural e lingüística (co euroinglés) que impuxeran un modelo social negador da diversidade. O descubrimento da colonia de resistentes cambia a David e confirma á súa nai na idea de elaborar un informe estratéxico sobre a necesidade dun cambio radical que tolere a diferencia. Pero os grandes centros do poder non comparten o seu criterio e tratan de boicotealo.
Novela de aprendizaxe primorosamente escrita cun apaixonado alegato en favor das linguas minorizadas.

206 p. - 13x21 cm.                                                             ISBN    84-8302-117-X