Convoca: Axencia Galega das Industrias Culturais (AGADIC).
 Dotación: un único premio, dotado con 6.000 euros.
 Edición: a AGADIC poderá editar o texto galardoado nas súas coleccións, reservando para si os dereitos de edición ou coedición durante un período de dous anos desde a comunicación do ditame.
 Tema: libre
 Xénero: teatro.
 Lingua: galega conforme a normativa vixente.
 Extensión: terá en conta o principio de duración normal dun espectáculo completo, quedando excluídas, xa que logo, as obras de teatro breve.
 Presentación: os textos deberán ser presentados por sextuplicado, en exemplares separados, en tamaño DIN A-4, mecanografados a dobre espazo por unha soa cara, paxinados e grampados ou encadernados. Na portada de cada unha das copias indicarase unicamente o título e/ou lema e premio a que optan. Non poderá figurar ningún dato que poida identificar o participante e romper o anonimato.
Xunto cos textos, os participantes deberán entregar un sobre pechado que reflicta no exterior os mesmos datos que na portada dos textos presentados (título e/ou lema e premio a que optan). No interior deste sobre pechado deberá incluírse:
— solicitude de participación debidamente cuberta e asinada segundo o anexo que figura ao final das bases.
— fotocopia do DNI, NIF, NIE, pasaporte ou documento equivalente.
— declaración asinada polo autor de que o texto presentado non foi publicado nin premiado en ningún momento anterior.
Quedarán excluídos os orixinais que resultasen ser obra de autores premiados nas dúas convocatorias inmediatamente anteriores.
 Prazo de admisión: até mediados de xuño.
 Xurado: formado por seis persoas de recoñecido prestixio no ámbito literario e escénico: dous expertos en literatura dramática, dous elixidos entre escritores, dramaturgos, autores e adaptadores, e outros dous entre directores de escena e outros oficios teatrais. Actuará como secretario, con voz e sen voto, un membro do cadro de persoal da AGADIC proposto pola Dirección da Axencia.
 Fallo: antes do 1 de novembro.
O xurado, á hora de avaliar os textos presentados, terá en conta os seguintes criterios de valoración:
- Calidade literaria: 30 puntos
- Calidade dramática: 30 puntos
- Viabilidade escénica: 20 puntos
- Adecuación á especificidade de cada premio: 10 puntos
- Coidado da lingua: 10 puntos.
 Devolución de orixinais: dentro dos trinta días contados a partir do seguinte ao da decisión do xurado.
 Enderezo: AGADIC. Rúa da Vesada s/n - San Lázaro 15703 Santiago de Compostela. Así mesmo, poderase presentar no rexistro xeral da AGADIC, nos servizos ou rexistros correspondentes das comunidades autónomas, ou por calquera dos medios legalmente establecidos para as administracións públicas. No suposto de optar pola opción do correo certificado, o envío deberá ser datado e selado por correos na parte exterior.