Selección de fórmulas e recitados da literatura tradicional. A súa presencia nos xogos infantís forma parte da memoria colectiva dos adultos pero corre risco de desaparecer nas novas xeracións de primeiros lectores.
Destaca o extraordinario traballo de ilustración, reproducido a toda páxina e a cores, que é en realidade o centro de atención do libro e conforma unha edición espléndida.