Sonoras adiviñas en verso, nun total de dezasete, sobre temas asequibles desde o territorio infantil. Predominan os elementos da natureza (vento, lúa, ondas, allo, cebola, millo, castaña, mazá, uvas, caravel), hai dúas sobre o mundo animal (ovella, peixe) e un terceiro grupo integrado por obxectos da cotidianeidade (mistos, pelota, reloxo, coche, libro).
A integración texto-imaxe conséguese participando das solucións , de tal modo que, ademais do xogo reflexivo sobre as palabras, a busca visual do referente das adiviñas convértese nun exercicio lúdico para o lectorado das primeiras idades.
A sonoridade e sinxeleza do verso atopa un eco gráfico na concepción dinámica e detallista do traballo de ilustración, de forte impacto visual.