Houbo unha vez un home que non se preocupaba por nada. Todo o que lle acontecía parecíalle ben. Sabedor o rei da súa existencia, mandouno chamar e buscoulle coidados: as respostas ás preguntas de cánto pesa a lúa, cántas xornadas hai ata o ceo e cál é o prezo da persoa do rei. Por ben voltas que lle deu, non atopou as respostas ata que un pastor llas dixo: a lúa pesa unha libra xa que ten catro cuarteiróns; ata o ceo hai unha xornada, pois non existen tabernas nas que parar e o rei vale vintenove moedas, unha menos das que valeu Cristo.
Admirado o soberano de tanta sabenza, nomeounos conselleiros rexios a el e mais ao pastor.