A voz poética dun neno conta como dorme na bufarda e aprende que o silencio da noite é unha festa a partir das doce da noite. Saen entón todos os seus amigos do armario: os gatos, a bolboreta, os lagartos, as lucernas...
Ollando o ceo, os homes dos mundos das estrelas fan que repare na vida do seu barrio, onde habitan tamén os farois amigos dos borrachos, os varredores ou a ambulancia.
Descobre así que a noite está chea de amigos e ¡xa non ten medo!
A este fermoso conto en verso acompáñano unhas ilustracións moi coidadas.