Cando Xanardán foi ao monte, unha cobra pediulle axuda pois quedara entalada debaixo dun penedo. Facendo panca cun ferro liberouna. Unha vez libre, a serpe quíxoo papar pretextando que levaba moito tempo sen comer. Como el lle reprochou que non fose agradecida, acudiron a falar co raposo, que era o avogado daquel lugar. Ao que este os escoitou, decidiu que fosen ao lugar onde ocorreran os feitos, para reconstruílos. Unha vez que a cobra se puxo debaixo da pedra, díxolle o raposo "se así estabas así quedas". Alí a deixou e marchou rindo en compañía de Xanardán.
Sinxela adaptación do conto popular nunha edición espléndida.