Por lle atopar os lentes, un cliente regálalles aos tres amigos unha videconsola. Cando Ulises toca un botón, é absorbido pola máquina e tamén logo Uxía e Brais. Guiados por unha voz terán que ir pasando de pantalla logo de superar diferentes probas: liberar o príncipe cativo na torre de Baiona con bólas que converten os arqueiros en bolboretas; chegar á Virxe da Roca, aínda que os chanzos son móbiles; abrir as ostras de Arcade, que veñen voando; botarlles auga non ventre a cen mulleres na ponte da Ramallosa para que poidan ter fillos; desfacer as momias de San Simón tirándolles as vendaxes; reconstruír o templo votivo do mar en Panxón, pois Uxía pode saltar e ficar no aire; facer as burras en Redondela levando a rapazas no lombo durante o baile de Corpus; soprar para evitar que tape o concello de Porriño un muro de granito; recuperar o tesouro agochado baixo a ponte de Rande; facer de socorristas na praia do Vao rescatando bañistas a moreas; atopar un cadro agachado no xardín botánico do Pazo de Castrelos; descansar no Berbés; saber para que serve o guindastre en Bouzas; recoñecer o edificio do antigo concello na Praza da Princesa; apagar o lume da Colexiata, que o pirata Drake incendiara; botar unha carreira de coches dende a Porta do Sol deica a Praza de España. E acaban no Castro, xa con ganas de volver á casa.
Deste xeito os tres amigos percorren a comarca de Vigo, nesta edición que combina a fotografía dos espazos coa ilustración, na que eles son protagonistas.