Un día foron de viaxe no coche todos os ratiños. Ao pouco de saír furouse unha roda e botaron unha hora arranxando a picada. Despois calouse o motor: outra hora de reparación. Como enredaran tanto, metéronse por un atallo, pero quedaron atrancados na lama ata que os veu sacar un tractor. E como xa era moi tarde para chegar onde ían, deron a volta, pero acabouse o gasoil. ¡E tiveron que volver empuxando no coche!
Con texto mínimo rimado e sinxelas ilustracións a toda páxina e a cores, péchase o conto, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".