Paulo ía ter un irmán. Axiña lle medrou a barriga á mai como un globo. E, como estaba cansa, deixou de ir pasear con el polo parque ou a praia, a pegar pinchacarneiros na area.
Un día atopou no seu cuarto un berce e cestas con roupa e pouco despois apareceu a irmá, Lara, e entón a mai xa non tivo tempo para seguirlle facendo a torta de chocolate. Cando viñan visitas á casa, ignorábano a el. Paulo tiña agora un grande problema.
Empezou a enredar noutros pasatempos: pintar nas paredes, agacharse debaixo da cama ou tardar demasiado en facer o pis. O mesmo deu en facer Lara cando medrou. Así, tamén ela coñeceu as malas pulgas da mai. En realidade, parecíase a seu irmán. Daquela Paulo sentiu que ela tamén tiña un problema grande.
Espléndida edición na que as rotundas ilustracións, cun interesante xogo de perspectivas, cumpren unha función moi relevante.