Orm, neno sueco de cinco anos, emprende co seu pai unha viaxe no barco Aegir. A nai, Ingrid, entrégalle un saquiño con ámbar e un colar de ouro, "por se acaso".
A viaxe era tranquila ata que un vento entolecido e unhas ondas enormes destruíron o barco. Agarrados a unha táboa do timón chegaron á costa dun país descoñecido, onde a xente, desconfiada, escapaba deles porque, noutrora, sufriran ataques de guerreiros do norte. Unha rapaciña, Sara, acolleunos na súa casa. Os pais recibíronos cunha gran festa e regaláronlles cabalos para que puidesen regresar á súa terra. Orm agasallounos cos presentes que traía.
E prometeulle a Sara que algún día había volver.