Os tres amigos reciben unha chamada dos veciños da comarca de Quiroga pois pásanlles cousas estrañas aos turistas, que marchan aqueloutrados, con roupas peculiares. A guía agárdaos no encoro de San Estevo e logo de visitar os canóns do Sil transfórmase nunha figura máxica. Porque é un espírito da fraga que os transporta no espazo e no tempo. Así, no Castro da Torre desaparecen, reaparecendo no túnel de Montefurado, no tempo dos romanos, que pretenden que traballen como uns escravos máis buscando pebidas de ouro nas médulas. No Castelo de Torrenovaes, atópanse con outros dous rapaces e un can, idénticos a eles, que están a facer o Camiño de Santiago. Van tamén á Ferrería de Seoane do Caurel, ao Muíño de Bendilló e acaban no catamarán de Augasmestas. Ulises colléralles unha pebida de ouro aos romanos, mais Xoana, a guía que agora colleu a forma de bolboreta, levarállela de volta.
A edición combina a fotografía dos espacios coa ilustración, na que eles son protagonistas.