Os Pillabáns van ao cine para ver a nova película de Perucho, o superheroe de moda. Antes de entrar aprovisiónanse de flocos de millo e bebida. Entre tanta xente que hai na sala, por fin atopan sitio, aínda que Noa vai deixando caer ao seu paso flocos de millo para recoñecer a saída. Comeza a película. O acomodador vén chamarlle a atención a Pipo porque berra entusiasmado. Fito ten que saír ao cuarto de baño. E tanto lles gustou o que viron no cine, que ao día seguinte no parque todos queren xogar a ser superheroes.
Nova entrega desta serie de aventuras dos catro amigos, na que as ilustracións xogan un papel moi relevante ao servicio do texto mínimo, de dúas liñas.