Mon Daporta Padín: Unha de amor
Ilustracións de Mon Daporta Padín
Col. Os contos da rata Luísa, 2. Eds. A Nosa Terra. Vigo, 2002

A rata Luísa e o rato Roxelio fixéronse noivos e pensan en casar. Para viviren, deron cun bo sitio debaixo do armario e alí construíron o seu niño nun tarro de vidro con papeis rillados. Puxeron retais de moda e fotos de viaxes para adornar o novo fogar. E coas sobras da cociña convidaron a toda a parroquia á festa de inauguración da súa nova casa.
Con texto mínimo rimado e sinxelas ilustracións a toda páxina e a cores, péchase o libro, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".