Xosé Ballesteros: Os tres porquiños
Ilustracións de Pepe Carreiro
Col. Os Contos do Trasno Comodín. Kalandraka Editora. Pontevedra, 1998

Tres porquiños que vivían no bosque oíron que roldaba por alí un lobo feroz. Para protexerse, fixeron cadansúa casa: o máis novo e preguiceiro, de palla; o mediano, de madeira; o máis vello, que era moi traballador, fíxoa de pedra. Cando o lobo chegou, derrubou soprando a casa do primeiro; tamén a do segundo. Refuxiados os tres na casa de pedra, nin soprando nin golpeando puido con ela. Entrou pola cheminea, pero agardábao unha pota fervendo, pois o maior dos porquiños adiviñáralle a intención. E liscou queimado e sen merenda.