Carmiña Blanco Leira:
Ilustracións de Alberto V. Ferreiro
Col. Sotelo Blanco infantil e xuvenil, 12. Serie O lapis. Ed. Sotelo Blanco. Santiago, 1993

Branca Antonia é unha rapaza fráxil e melosa que sempre leva un lobiño ao seu carón; Andresiño, que parece chegado dunha illa misteriosa con piratas e princesas, é pequeno e vai cun axóuxere nas mans; a Pilucha gústalle debuxar areas brancas e mares lonxanos e garda no seu mandilón da escola unha buguina que lle regalaron cando cumpriu sete anos. Un día que estiveron xuntos e sós non tiveron medo porque puideron xogar a atopar os animais da fraga, que saían a saudalos, e pasear por riba dos cimos das árbores seguindo o camiño que lles indica un cerviño. Atoparon unha pantera case amarela que lles sinalou a porta dun val cheo de estrelas vermellas, un xigante armado que lles deu a súa espada para defendérense dos raios de sol, e unha formiga coqueta que lles deu a súa comida.
E cando o sol quentaba máis e borraba as pegadas das árbores brancas, os tres nenos descenderon ás fiestras das súas casas ata atoparen nas almofadas brancas os cabelos dos seus pais.