Marta Rivera Ferner: Tres gatos cantores
Ilustracións de Marta Rivera Ferner
Col. Montaña Encantada. Serie Azul. Ed. Everest Galicia. León, 2003

Unha desas noites de luar, Un, Dous e Tres, os gatos do outeiro, decidiron botar unha serenata desde o tellado. A lúa aplaudiu entusiasmada, mais a xente guindáballes zapatos pois non paraban de cantar. Ninguén podía durmir. A gata Catro espertou e, algo encabuxada porque lle escorrentaran o sono, foi buscar as amigas Cinco e Seis. Tiñan que facelos calar de modo que non se sentisen ofendidos.
As tres gatas foron a un edificio luxoso con xente moi elegante, onda don Sete do Oito, o empresario da ópera gordo e redondo como un número cero. Contáronlle a súa idea. Ao día seguinte carteis por toda a cidade anunciaban a Serenata en Do Menor dos Gatos do Outeiro. Con tanto éxito que aínda seguen facendo funcións.
E deixaron de cantar sobre os tellados. Agora soamente cantan na ópera.