Recolleita de vinteún trabalinguas populares que supoñen un intento de recuperación desta parte do noso patrimonio cultural, cada vez menos presente na memoria colectiva. Estes xogos de linguaxe nos que as palabras, reais ou creadas para a ocasión, resístense a pousar nas boca dos máis pequenos, son diversos na dificultade pero en todos eles o ritmo e a eufonía ocupan o centro de atención.
A concepción lúdica da edición, con ilustracións que permiten unha segunda e atractiva lectura, completa magnificamente o interese da obra.