Cando Toribio experimenta con coches en miniatura o Adiantador Lineal de Seguridade, que fai saír unha rampla do coche que vai diante permitindo así adiantamentos seguros, o profesor Smith intenta boicotearllo. Pode ser moi perigoso no futuro un Smith dese tamaño mínimo, polo que cómpre contarrestar o efecto do seu Reductor Corporal Ilimitado, capaz de reducir un elefante ao tamaño dun piollo. Envíalle entón a Ra dos Recados ao profesor Pardau e este remítelle un aumentador de cousas e persoas.
E aínda que Smith ten unha arma secreta, nada pode facer contra o Aumenta Orellas Infamante Selectivo con Mosca Eléctrica Insoportable incorporada.