Un domingo, Toribio foi cos seus pais á Casa das Ciencias. Chovía moito e derramouse o limpaparabrisas pero el amañou o problema cun cativo motor-casco que tiña que levar seu pai na cabeza. A súa pinta era tan ridícula que provocaba a risa dos que o vían.
Na espera dunha enorme caravana, ocorréuselle o Adiantador Liñal de Seguridade. Procurou agachar os planos do profesor Smith pero este descubriullos e borroulle unha parte co seu Ollo Espía Superfurador. Non era quen de refacelos. Menos mal que o profesor Pardau llos recompuxo e mesmo llos converteu en maqueta con automóbiles diminutos. Nun deles, un can advertía ao dono do perigo dun choque se corría tanto, pero o chofer aclaráballe que gracias ao invento de Toribio xa non habería máis zoupadas.