Conta con humor a tartaruga o seu paseo: lento, pero seguro; de pasos curtos (ou será que é longo o camiño?). Nel atopa de todo: tartaruga con casco de fórmula 1; o caracol que tamén leva a casa a costas; a lebre que a reta a unha carreira; a lagartixa, veloz pero sen cuncha; as formigas que se deixan levar en rea; a araña que vive pendente dun fío; o sapo papamoscas; o lobo ante o que cómpre agocharse na cuncha... Aínda que os peores son os seres "intelixentes", que cada vez poñen máis atrancos no camiño.
O mellor de todo é que para volver á casa non ten que facer camiño de volta!
Edición en formato álbum con ilustracións a cores e a toda páxina.