Marta e Rubén teñen seis fillos. Cada un deles é ben distinto aos outros: Vicente, o máis novo, chora continuamente; Miguel é o máis mimado pois ten un brazo escordado; Xoán toca o tambor; Helena cepilla os dentes por consello dun rato amigo; a Laura e Raquel gústalles pintar e xogar ás adiviñas: ¿onde estará o coello no seu debuxo? ¿e o caramelo?...
É ben certo: aínda que son media ducia, parecen un cento.
Libro-xogo en verso, como unha caixa de música na que non faltan as sorpresas, con ilustracións a toda páxina.