Libro que reúne doce cancións de distinta autoría con pequenos comentarios dos autores sobre a súa xénese. Hai letras de poetas galegos: A Lugo, de Xosé Lois García, Coplas sociais de Xico de Cariño, A praia de Anisia Miranda, Xoaniña Andeira, de Xosé Neira Vilas e O piñeiral de Xosé Vázquez Pintor. Textos de procedencia lusófona: Ronda do Soldadinho de José Maria Branco e mais O Jarrinho e o canto de arrolo, Dorme, criança, de Fernando Pessoa. E cancións de orixe popular como As tres comadres e o canto de arrolo A run run, Gabanza dos maios, de Francisco X. Peña, ou O can de Quin, de Guindeira, así como unha versión brasileira da tradicional cantiga de roda Ciranda, Cirandinha.
As pezas musicais, musicadas e interpretadas polo grupo Na Virada, recóllense nun disco compacto que acompaña a edición, que alterna o texto coas ilustracións a toda páxina reproducindo obras do ceramista Pérez Porto.