Sete bruxas espantosas, que viven aniñadas nunha árbore seca, enfróntanse por un príncipe e desde aquela non só non se falan, senón que ademais procuran facerse todas as maldades de que son capaces.
Pero a necesidade obriga e, madia leva, teñen que recuperar as relacións cando se trata de comer un ovo. Comeza así un perigoso peregrinar de casa en casa, pois ningunha sabe como abrilo. O ovo, por certo, garda unha sorpresa.
Cunha estructura acumulativa, moito humor e unhas poderosas ilustracións, esta historia para primeiros lectores pon de relevo novamente a capacidade creadora da autora como referencia ineludible na mellor literatura infantil galega.